Во Министерството за локална самоуправа се одржа средба со амбасадорката на Швајцарија, Н.Е. Вероник Улман, која претставуваше можност за резиме на заедничките постигнувања и изразување на искрена благодарност за нејзиниот посветен ангажман во унапредување на билатералната соработка.
Средбата, која се одржа во пресрет на завршетокот на нејзиниот мандат, ја потврди силната заложба за партнерство и поддршка на клучните процеси – регионален развој, реформите и доброто владеење.
Во рамките на мандатот на амбасадорката Улман беа реализирани повеќе клучни активности:
- 10 инфраструктурни проекти имплементирани во сите плански региони,
- изменета и дополнета е законската рамка за рамномерен регионален развој – темел за одржлив развој на државата,
- поддржани 33 проекти во 30 општини со алатката „Форуми на заедницата“ – механизам што овозможува директно учество на жителите во креирањето на општинските приоритети,
- поддршка на процесот за дигитализација на општинските услуги,
- поддршка на процесот на децентрализација и одржливиот развој на локалната самоуправа.
Министерството за локална самоуправа ѝ посакува многу успех во следните професионални предизвици и изразува длабока благодарност за пријателството, довербата и искрената соработка.
