Министерот Златко Перински присуствуваше на седницата на Советот на Источниот плански регион.
Заедно со градоначалникот на Општина Штип, Иван Јорданов, извршија увид на проектот EcoScape – „Трансформирање на урбани локации со зелени инфраструктури“, кој се реализира во рамки на Приоритет 1: Позелен пограничен регион од ИПА програмата за прекугранична соработка. Вкупниот буџет на проектот изнесува 867.653 евра.
Посетата беше заокружена со присуство на Првата прес-конференција на проектот „Интегриран развој на препознатлив културен и близок до природата туризам во Источен плански регион и регион Благоевград“, со што формално беше означен почетокот на уште една значајна прекугранична иницијатива.
Проектот се имплементира преку ИПА III програмата, во рамки на Приоритет 3: Интегриран развој на прекуграничниот регион, со вкупен буџет од 1.054.056,20 евра.
