По повод 23 Октомври – Денот на македонската револуционерна борба, во име на Министерството за локална самоуправа и во мое лично име, упатувам искрени честитки до сите граѓани.
23 Октомври е ден со особено историско значење, симбол на стремежот кон слобода, достоинство и сопствена државност. Тој нè потсетува на истрајноста, пожртвуваноста и решителноста на генерациите кои оставиле траен белег во нашата историја, но и на одговорноста што ја имаме денес да ги негуваме и надградуваме вредностите врз кои се темели нашето општество.
Пораките на овој ден и денес се силен поттик за единство, меѓусебна почит и заедничка посветеност кон напредокот. Нашата сила е во подготвеноста да соработуваме, да ги надминуваме разликите и да градиме општество во кое секој граѓанин ќе има можност да придонесува и да биде дел од заедничките успеси.
Верувам дека со одговорност, солидарност и визија за иднината можеме да создадеме стабилна и просперитетна држава, во која ќе се вреднуваат трудот, знаењето и посветеноста, а придобивките од напредокот ќе бидат достапни за сите.
Нека 23 Октомври биде потсетник на значењето на историското наследство, но и инспирација да продолжиме да ја градиме нашата иднина со доверба, заемна почит и заедничка надеж.
Честит 23 Октомври – Денот на македонската револуционерна борба!