Министерот за локална самоуправа оствари работна средба со Олаф Мекеј, градоначалник на Валета, Чарлс Дегуара, главен ревизор на Малта и Антониа Мерчика ,експерт за локална самоуправа во Малта на која разменија искуства во делот на урбано управување и развој на одржливи и инклузивни градови.
Дел од темите на состанокот беа начините за развој на урбаните јадра, како и размена на мислења за дигиталните услуги на општините и нивната улога во подобрување на квалитетот на услугите за граѓаните.
Иако системите се различни, соработката со Валета отвора можност за пренос на европски искуства во одржливо урбано управување, дигитализација на услуги и валоризација на културното наследство.
Следен чекор е да се преточи оваа комуникација во конкретни активности и заеднички иницијативи.
