Министерот Златко Перински ја отвори Годишна конференција за локална самоуправа и децентрализација „Визија за реформи за одржлив развој и достапни услуги за граѓаните“ заедно со Стефан Андоновски, министерот за дигитална трансформација, Н.Е. Кристоф Зомер, амбасадорот на Швајцарија, Н.Е. Ола Сулстром, амбасадорот на Шведска, Ана Чернишова, заменичка на УНДП и Душица Перишиќ, директор на ЗЕЛС.
Преку две панел сесии се отвори дискусија на клучните теми за иднината на децентрализацијата – подобро локално управување, поиновативни услуги и поодржлив локален развој за граѓаните– со учество на градоначалници, експерти и практичари.
Низ четири презентации беа презентирани годишниот извештај за финансирањето на општините, анализа за задоволството на граѓаните од локалните услуги и платформата за интероперабилност.
Презентација на тема „Ретроспектива на тековните ангажмани и планот за иднината на локалната самоуправа“ имаше државниот секретар во Министерството за локална самоуправа, Јулијана Павковска Боцевска.
Развојот започнува локално со конкретни решенија и координирани политики.
