Министерот за локална самоуправа, Златко Перински, оствари работна средба со Бранко Азески, претседател на Стопанската комора, на која се разговараше за потребата од посилна и поконкретна соработка помеѓу Министерството и Комората.
На средбата беа разменети мислења и идеи за повеќе значајни теми поврзани со локалниот економски развој, инфраструктурните инвестиции, дигитализацијата на локалните услуги и нивното значење за приватниот сектор, како и за можностите за подлабока соработка на Комората со општините и планските региони.
Беше истакнато дека само преку координирана соработка помеѓу институциите, локалната самоуправа и бизнис заедницата може да се создаде одржлив локален и регионален развој, подобра деловна клима и поквалитетни услуги за граѓаните.
