Целта е да се поддржат градовите од регионот во справувањето со специфичните урбани предизвици, применување на одржливи решенија во согласност со интегрираната рамка на политиката на ЕУ за одржлив урбан развој, вредностите и практиките. Истражување на инспиративните добри практики од градовите во ЕУ и стручна поддршка при структурирано учење на акција околу интегрирани и партиципативни пристапи во дизајнирање и испорака на проектите.
Околу 20 градови од регионот на Западен Балкан со нивните општински тимови ќе бидат избрани да се приклучат на ова уникатно патување на УРБАКТ.
УРБАКТ има за цел да создаде генерација на урбани професионални лидери, кои ќе ја обликуваат иднината на нивните градови на нов начин, и да бидат препознаени како пионери и првенци за нивните колеги во регионот.
Програмата на акцелераторот на УРБАКТ пионери одговара на уникатниот општествено-политички и економски контекст на регионот на Западен Балкан со поврзани тематски и оперативни предизвици за имплементација на политики за одржлив урбан развој.
Градовите ќе можат да се фокусираат на специфични урбани предизвици, вклучувајќи ги следниве тематски области:
Одржлива мобилност
Управување со отпадот
Урбана природа
Работни места и поддршка на малите и средни претпријатија
Одржлив развој на туризмот
Култура
Трансверзалните теми, вклучувајќи дигитализација, еколошка одржливост и социјална инклузија, ќе се применуваат во сите теми, обезбедувајќи градовите да усвојат целосен пристап.
Во текот на 18-те месеци на патувањето на акцелераторот на УРБАКТ пионери, од локалните тимови на градовите се очекува да следат структуриран и импресивен процес на учење во неколку паралелни активности.
Прифаќање:
Оваа димензија гарантира дека сите градови учесници ги прифаќаат основните методолошки пристапи и алатки за управување со проекти. Тоа ќе вклучува настани и работилници, како и онлајн мајсторски часови и персонализирани сесии за поддршка.
Истражување
Градовите собрани околу заедничкииот тематски предизвик ќе посетат инспиративни градови во ЕУ и ќе истражуваат потенцијални решенија и добри практики кои ќе им обезбеди продлабочување на тематското знаење.
Делување:
Во секој град кој ќе учествува, локалните тимови ќе го применуваат пристапот „учење преку пракса" и ќе дејствуваат со спроведување на конкретен пилот проект во мал обем „видливи брзи победи на терен“.
Патот на учење ќе биде поделен во четири клучни фази, секоја фаза со сет на пристапи и алатки за да се обезбеди ефикасно спроведување на пилотните проекти. Покрај интегрираните алатки за креирање и спроведување на политики, Акцелераторот посебно ќе се фокусира на создавање позитивно социјално влијание преку усвојување на ефикасни пристапи при комуникација и ангажирање на заинтересираните страни, градење на заедничка визија и зголемување на довербата на граѓаните во донесувањето одлуки - еден од најзначајните предизвици во регионот.
Планирано е активностите на акцелераторот на УРБАКТ пионери да започнат во април, 2025 година. Покрај тоа, сите избрани градови ќе обезбедат место на претстојниот фестивал на градовите УРБАКТ кој ќе се одржи во Вроцлав, Полска од 8 до 10 април 2025 година.
Специјалниот повик за градовите од Западен Балкан да се приклучат на акцелераторот на УРБАКТ пионери беше лансиран во вторник, 19 ноември 2024 година.
Заинтересираните градови ќе можат да аплицираат до 22 јануари, 2025 година!
Информативната сесија за повикот на програмата Акцелератор на УРБАКТ пионери ќе се одржи виртуелно на 12-ти декември, 2024 год., во периодот 10.30-13.00 часот.
Вашето учество на информативниот ден можете да го најавите најдоцна до 10-ти декември, 2024 год. до крајот на работното време на следната адреса: Natalija.Filipovska@sep.gov.mk
Агендата и линкот за приклучување кон овој онлајн настан ќе биде навремено споделен со регистрираните учесници.
Сите информации се достапни на веб-страницата