Со соработка меѓу граѓанскиот сектор и локалната самоуправаво против глобалната криза

Министерот за локална самоуправа, Муса Џафери, претставникот на Европската Унија во Република Македонија,Ерван Фуере и претставник од градот Скопје

ја отворија меѓународната Конференција на тема: “Како граѓанското општество и локалната самоуправа се борат со глобалните кризи”.Министерот Џафери ја истакна улогата на локалната самоуправа во услови на децентрализирана власт и се поголемата одговорност на локалната самоуправа во решавањето на проблемите за граѓаните.

Доброто владеење е услов за решавање на прашањата по мерка на граѓаните, затоа што тоа подразбира отворено, транспарентно, економично и ефикасно управување со јавните работи. Носење на одлуките на ниво кое што е најблиску до граѓаните и нивно вклучување во процесите на одлучување и на спроведување на одлуките.

Тоа е начинот на кој треба да им се приоѓа на предизвиците, па и на оние од глобално значење. Во услови на глобализација многу лесно проблемите добиваат глобална димензија. Но, нивното решавање не ја исклучува акцијата на национално, па и на локално ниво. Локалната самоуправа е точката во која најлесно ќе се најдат власта и граѓаните и ќе се договорат за заедничко делување, рече министерот Џафери.На Конференцијата учествуваа претставници од локалната самоуправа и од граѓанскиот сектор од државите во регионот.