Mинистерот Џафери на меѓународната конференција "Искуства и најдобри административни практики"

Министерот за локална самоуправа Муса Џафери, учествуваше на меѓународната конференција на тема "Искуства и најдобри административни практики"

која што се одржа во Приштина, во организација на Владата на Република Косово.
Министерот Муса Џафери ги  претстави искуствата на земјата, со посебен акцент на Стратегија за реформа на администрацијата, процесот на децентрализација како сегмент од Рамковниот Охридски договор, како и усогласувањето на законите со европското законодавство.

На Конференцијата учествуваа експерти од Европската комисија, Хрватска, Германија, Македонија, Словенија, Естонија и Косово во областа на структурите, правната основа на работа и функционалноста на јавната администрација, и електронското владеење, како важен фактор во модернизацијата на администрацијата.

Учесниците заклучија дека реформите на јавната администрација и нејзината модернизација, со сите параметри како професионална администрација, материјално прифатливи, функционални и ефективни, е важен и клучен фактор за интеграција во големото европско семејство.

Министерот Џафери, реализираше и билатерални средби со министерот за локална самоуправа на Косово, г-дин Садри Ферати и министерот за јавна администрација г-дин Арсим Бајрами, на кои што се разговараше за чекорите и предизвиците за поефикасна администрација и за исполнување на условите за приближување кон Европската Унија.